حيرت قلبى معاك

انا دلوقتى مش هتكلم كتير بس هكتب كلمات اغنيه
انا دلوقتى حاسه كل كلمه منها ...كل حرف فيها ....بسمعها حاسه مجموعه من الاحاسيس فى نفس الوقت
مش هقدر اوصفها ولا اتكلم عنها خالص
مش هتقدر تعرفها الا اذا بصيت فى عنيا دلوقتى بس بشرط مش اكون انا واخده بالى انك بتبص عليا

حيرت قلبي معاك حيرت قلبي معاك..

وأنا بداري واخبي قل لي أعمل إيه وياك..

ولا أعمل إيه ويا قلبي بدي اشكي لك من نار حبي..

بدي احكي لك ع اللي في قلبي وأقولك ع اللي سهرني..

وأقولك ع اللي بكاني وأصور لك ضنى روحي..

وعزة نفسي منعاني يا قاسي بص في عيني..

وشوف إيه أنكتب فيها دي نظرة شوق وحنيه ..

ودي دمعة بداريها وده خيال بيين الأجفان..

فضل معاي الليل كله سهرني بين فكر وأشجان..

وفات لي جوه العين ظله وبين شوقي وحرماني..

وحيرتي ويا كتماني بدي اشكي لك من نار حبي

بدي احكي لك ع اللي في قلبي وأقول لك على اللي سهرني..

وأقول لك ع اللي بكاني وصور لك ضنى روحي ..

وعزة نفسي منعاني ياما ليالي أنا وخيالي ،

أفضل أصبر روحي بكلمة يوم قلتها لي

وبات أفكر .. في اللي جرى لك....

واللي جرى لي وأقول ماشافشي الحيرة..

على لما با سلم ولاشافش يوم الشوق..

في عيني راح يتكلم وارجع أسامحك تاني ..

واحن لك والقاني بدي اشكي لك من نار حبي

بدي احكي لك ع اللي في قلبي وأقول لك ع اللي سهرني..

وأقول لك ع اللي بكاني وأصور لك ضنى روحي..

وعزة نفسي ما نعاني

خاصمتك بيني وبين روحي..

وصالحتك وخاصمتك تاني وأقول أ بعد يصعب علي روحي..

تطاوعني ليزيد حرماني

ح أفضل أحبك من غير ما أقولك..

إيه اللي حير أفكاري لحد قلبك ما يوم يدلك..

على هواي المداري ولما يرحمني قلبك ..

ويبان لعيني هواك وتنادي ع اللي انشغل بك..

وروحي تسمع نداك

ارضى اشكي لك من نار حبي

ابقى احكي لك ع اللي في قلبي وأقولك ع اللي سهرني..

وأقول لك ع اللي بكاني

وأقول يا قلبي ليه تخبي ..وليه يا نفس منعاني

قريب كنت بتكلم معاك وفى وسط كلامنا ونقارنا كالعاده بتقولى شكرا ...قولتلك العفو اردلك بعض من جمايلك عليا
انت رديت وقولتلى بلاش الكلام ده وده فكرنى بكلمه تانيه قولتهالى من اسبوع فات بالظبط"بلاش تحملينى ذنب مش ذنبى "نفسى جدا اعرف كنت تقصد بيها ايه
....ايه اللى كان جواك وفى نيتك وانت يتقولها ليا

فكرت كتير جدا ...قولت يمكن تكون بتحبنى فعلا بس عشان خاطر ظروف الدراسه والمستقبل المجهول لينا كلنا ولانك ممكنتكون فعلا بتحبنى بجد ويهمك شكلى واحترامى بين الناس
جيت على نفسك ومش رضيت تقولى انك بتحبنى عشان كده
عشان مش عايزنى ابقى زى اى واحده مرتبطه بقصه حب مع زميلها ...لحد مايقضى الله امرا كان مفعولا
وتقصد بكلمتك دى انه مش ذنبك انك مش قادر تقولها ليا
عارفه نا خيالى واسع اوىوانى اكيد جبتتفسير مش ليه علاقه بالواقه لا من قريب ولا من بعيد
بس هو تفسير يرحنى انا

وفى اوقات كتير جدا تانيه بيبقى التفسير الواضح زى الشمس قدام عنيا انك تقصد انه مش ذنبك انك مش حبتنى انا
ده قدر ونصيب وحاجه مش بدينا
وهو ده شكله التفسير الاقرب للواقع ....يارب اهدينى يارب
انا مش مستمتعه بالعذاب اللى انا فيه ده
بجد نفسى انتهى منه ويبعد عنى ...نفسى ابقى زى زمان

دلوقتى الكلمه اللى بتبجى فى بالى على طول ....كما تدين تدان
زى ماحصل قبل كده وانى قولت لحد كل ذنبه انه قالى انه حبنى وعاوز يكمل حياته وانا معاه
قولتله انى انا مش حبيته وده مش بايدى صحيح تعبتنى على ما طلعتها ليه
لكن بمجرد ما قولتها الموضوع انتهى بالنسبه ليا ولا ضايقنى ولا حسيت باللى ممكن يحس بيه هو
ربنا لازم يخلينى اعرف واحس باللى دوقته لغيرى ...لازم يلف الكاس ويجى الدور عليا
بس انا عمرى ما هسمح لنفسى انه يجى عليا يوم وحد يرفض يكمل معايا حياته
ده ول حتى كانت حياتى وكل سعادتى بوجودى جنبه

يارب ياااااااارب قدرنى وثبتنى على قرارى الل خدته
عارفه انى خدته قبل كده ولا ميت مره وكل مره برجع بعد فتره كانت اجطلوها كام يوم بس
ثبتنى حتى لما اشوفه او اكلمه

مش عايزه احب ولا اتحب لا هوولا اى حد غيره
عايزه اعيش من غير وجع قلب
بجد مش قادره استحمل
وهو بجد مش حاسس باى حاجه
مش حاسس اانا ايه اللى بيحصلى
ميعرفش انى دموعى دلوقت نازله على خدى عشان خاطره
ميعرفش انى احلامى بقى هو العامل المشترك فيها
ميعرفش انه اخر حد بفكر فيه قبل ما نام واول حد يجى على بالى اول ما افتح عنيا
ميعرفش انا ايه بيحصلى لما يحصل مره ويرن عليا ...ميعرفش انا ببقى عامله ازاى وقلبى بيحس بايه
طيب ازاى هيعرف انا بحس بايه لما اشوفه ولا اتكلم معاه؟؟؟؟؟؟؟؟؟

نعرف انا لو واحده غيرى وبتحكى لى الكلام ده عارف انا كنت قولتها ايه؟
كنتزعقت فيها وقولت لها انه مش بيحبك اكيد
لو بيحبك اكيد كان هيقولك ...ولو حتى لمجرد انه يبقى عمل اللى عليه عشان مش يجى يوم يويندم على الل فات
وبالذات فى شخصيه زى شخصيتك
اكيد لو حب بجد اكيد هيقول ويعبر عن نفسه
لكن بتصرفاتك دى وكلامك ده وطرقتك دى .....استحاله يكون ده حب من ناحيتك ليا
لازم ابعد لازم مش اشوفك تانى
ياترى لو عدى كام يوم ن غير ما تشوفنى هتسال عليا
همر على بالك اصلا
ياترى لما بتشوف اسمى على موبايلك بيبقى عادى مفيش مشكله ولا بتبقى فرحان ولا الموضوع كله مش يفرق عندك

ياااااااااااااااااااااااه نفسى اعرف نفسى ادخل جواك

اليله احساسى غريب

عاشق وانا مالى حبيب

اليله غير... شعورى غير..... اشواقى غير......حتى الاغانى غير....

صدرى سما واحساسى طير

بس طيفك ماتركنى

ظل ساكن وسط جفنى

كان يذكر وانت ناسى كان طيب وانت قاسى

انت وينك ...انت وينك

كان هذا الفرق ما بينى وبينك

جيتنى تشكى الزمن وجيتك اريد ادفا

ولقيت فى قلبى وطن ولقيت فيك منفى

وبعدين....

النهارده مع انى شوفته واتكلمت معاه دقيقتين كده ....الا انى جوايا احساس دلوقتى كانى مش وشفته بقالى سنين
نفسى بجد اتكلم معاه ....والغريبه انى اول ما اتكلم معاه علطول بنتخانق وننقار فى بعض غريب اوى الاحساس اللى ملينى ده
بحب صحيح ومش عايزه حتى اعترف بده ولو بينى وبين نفسى ...طيب ازاى هعترف ليه ...ده من رابع المستحيلات انه يحصل
كتير بسال نفسى لو جه يوم وقالى انه بيحبنى هعمل ايه؟؟؟؟؟؟؟؟؟
معتقدش هعمل اى حاجه ولا حتى همشى مش قدامه
انا ممكن ساعتها اطب ساكته ..حاسه انى هيجيلى تاكى كادريا وارزميا كمان وسويتنج ولو قال كلمه تانيه هدخل فى كوما على طول
بجد نفسى اكلمك دلوقتى ...
على فكره حاولت اهرب من الاحساس ده على اد ما قد ما قدر
انا محبش انى اكون فى حاجه تخلينى ضعيفه او تاثر على تصرفاتى ....او تخلينى زى ما انا دلوقتى كده
اصحابى بيقولوا ليا انتى شكلك مفضوح جاهز مع انى مش اتكملت عنك ولا على اللى انا حساه ده مع اى حد خالص ولا ناويه اعمل كده
مع انى جيت فى فتره كنت خلاص اعصابى ادمرت ونفسى اتكلم مع طوب الارض من الاحساس اللى كان عندى
كان نفسى اجكى لواحده صاحبتى واقولها فوقينى دايما ..لما تشوفينى هكلمه اعلمى لى ستوب ...لانى بجد بجد انت متعرفش انا كام مره خدت عهد على نفسى انى مش اكلمك تانى ...وايام كتير مش كنت بكلملك فيها لانى كنت بحلف بالله ما احاول اشوفك او اكلمك فيها متعرفش كانت بتعدى عليا ازاى بس اعمل ايه كنت حلفت بالله...يعنى اصوم تلات ايام يعنى ....

ياترى بتعمل ايه دلوقتى ....ياترى افتكرتنى فى الوقت اللى انا بكتب الكلام ده عليك

كنير عاهدت نفسى انى خلاص بقى فوقى وشوفى مستقبلك وكليتك وركزى شويه ....لكن تعرف كنت اول ما اشوفك مش افتكر اى حاجه خالص من كلامى ده ولا ببقى عارفه اى حاجه خالص ولا واخده بالى من اى حد حوليا ولا حتى عارفه انا حاسه بايه؟
بس تعرف بيبقى نفسى فى حاجه واحده بس

يبقى نفسى كل ساعات الدنيا تقف ....الزمان يقف وانا واقفه معاك

نفسى بجد اتكلم معاك لدوقتى ...مع انى عارفه انه مش هيحصل اصلا ياترى انت جه عليك وقت حسيت انك تتكلم معايا انا بالذات ؟؟؟؟؟

كتير بحس انى غبيه جدا ...بس اعمل ايه النصيب وقدرى ...عشان احس بذنبى
كتير بقول لنفسى ايه التفاهه اللى انا فيها دى الناس بتموت فى اماكن كتير وانا اقعد اعيط كتير كده عشان انت مش افتكرتنى فى يوم
او عشان شوفتنى ومش كلمتنى او عشان كلمتنى بطريقه احبطتنى وزعلتنى
بس ارجع واقول قدرى ونصيبى والحب ده موجود هنا وهناك وفى كل مكام فى الدنيا...ومن غيره بجد مش هيبقى لاى وجود فى الدنيا معنى

صحيح افتكرت دلوقت يوم ما كنت بكلمك فى يوم واتلخبطت ف اسمى وقولتلى باسم واحده زميلتنا
بجد متعرفش اانا يومها بكيت بحرقه ازاى ....ياااااااااااااااه والله عمرى ما انسى اليوم ده احساس انى مخنوقه ومش قادره اتنفس ....حتى اسمى نسيته وانا اللى اسمك بقى على لسانى بكرره طول اليوم من غير ما احس انا يومها اللى فضلت قلقان عليك طول اليوم وفى الاخر تنسى اسمى
تعرف نا يومها لقيت من نفسى بقول منك لله يا ....
وبعدين والله من وسط دموعى قولت لآ حرام ....ربنا يكرمه ويهديله نفسه ويوفقه للخير
ومع ذلك مش قولتلك خالص على الموضوع ده ولا حتى علقت لما نديتنى باسم زميلتنا دى

وكلمتك بعدها عادى ...لانه اكيد مش ذنبك انت ....
زى انه مش ذنبى قبل كده ولا ذنبى دلوقتى انى حبيتك....


كان حبك عذاب واسيه وهوانى ما بعده هوان
لو كان الغرام باديا ماكنش جرى اللى كان
------
بكتنى فى ليله عيدى ياخساره غرمى فيك
وطفيت شمعتى بتنهيدى ودعيت ربنا يهديك
نسيتنى ابتسامه فرحى ورتنى مراره جرحى
ليه ليـــــــــه
------
يا ما غيرى هيشرب كاس
ساتلوى بملء ايدك
والحب الجميل احساس ياريته يمر عليك
انا وحدى اللى ليا فيه وانا وحدى فضلت اقاسيه

اعمل ايه بس؟؟؟؟؟؟؟؟؟

انا بجد مش عارفه اعمل ايه؟

انا راجعه النهارده البيت بجد حاسه انى مخنوقه وحالتى زى الزفت والله كنت بكلم نفسى فى الشارع

وبالظبط كنت بقول انا استاهل اللى انا فيه ده

استاهل احتار واشيل الهم استاهل انى ابقى عايشه فى نار مش ليها اخر ولا حل

بس والله السبب مش فيا انا

انا كنت عاديه جدا عايشه يومى ومش بفكر ولا بتعب قلبى فى التفكير بحد

كان قلبى ده لا بيفكر فى حد ولا بشيل هم حد ولا بيزعل انه حد مش بيفكر فيه

ولا بكى ليالى طويله لانه مش على بال الى شغاله ليل ونهار

كنت عاديه جدا...صحيح كتير كنت بتمنى كتير انى احب واتحب زى بنات كتير

لكن كنت برجع على طلو تانى واقول لا ابعد عن الحب وغنيله

يعنى انا لو حبيت مش هقدر اعيش قصه الحب دى زى ما البنات بتعمل

لان اخلاقى ومبدأى ماتسمحليش انى اعمل حاجه غلط او تغضب ربنا

كنت برجع واقول اخلى الحب فى قلبى لحد ما يجى صاحب النصيب...واللى يوم ما هاقولها ليه هتبقى دى اول مره لسانى ينطقها

لكن مش عارفه ايه اللى حصلى معرفش مش قادره اوصل لتفسير

دلوقتى مش مجرد انى قلبى اتعلق بيك وخلاص ...لا ده انا بقى نفسى اتكلم معاك على طول اعرف اخبارك دايما

بتمنى انك تكون بتفكر فيا ربع ما بفكر فيك

اتمنى اعرف انا ايه بالنسبه ليك؟؟؟؟؟

ده اللى هيخلى عقلى يتجنن دقيقه احس انى بالنسبه ليك حد فعلا مهم وانى وانى ...

ودقيقه العكس تماما

انت متعرفش اد ايه انا بحس بالحزن واالحباط فى الدقيقه دى بحس انى بتهد من جوايا

بحس انى بنتهى ومش يبقى ليا اى وجود

بجد بجد

نفسى ارتاح وارجع تانى زى زمان

ارجه تانى زى ماصحابى اتعودا عليا

زى ما اهلى عرفونى من 22 سنه

نفسى ارجع بقلبى فاضى زى الاول

ياااارب... يارب مش هقدر اقول غير كده

هو قادر يهدينى للطريق الصح ويثبتنى عليه

كان يوم جميل وضحكت كتير مع اصحابى وهزرنا كتير لدرجه انى بقيت اقول ربنا يستر
وعلى اخر الليل بتفرج على التلفزيون شوفت البرناج ده....وكالعاده. نمت وانا فى قمه الحزن

اتفرجت على برنامج الحقيقه على دريم تو ..وكان موضوع الحلقه عن ضحايا احداث المحله
هم اتنين شاب فى الخامسه عشر من عمره يعنى فى تالته اعدادى وده كان واقف بيتفرج على اللى بيحصل فى الشارع من البلكونه
والثانى شاب فى الرابعه والعشرين من عمره وده كان موجود فى الاشتباكات فى الشارع من باقى الناس
المهم بقى واللى اثر فيا جدا واللى فضل شاغل تفكيرى لبعدها ان اعداد البرنامج اتصل بسياده اللوا مش عارفه مين واللى مسئول عن مش عارفه فى مجلس البتاع ده
وسياده اللوا قال رايه بمنتهى الصراحه ....قال ان عساكر امن الدوله من حقها تضرب الرصاص الحى بطريقه عشوائيه فى كل مكان وفى اى وقت
ده امن مصر ياناس...وكل اشتبااكات يبقى لازم ليها ضحايا فيها ايه لما شويه ناس تموت فى سبيل حفظ امن مصر
يعنى الشاب اللى عمره 24سنه ده وماله لما يموت فى ايه لما اسره بحالها تتشرد واب عجوز مريض مش يلاقى اللى يجيب له علاجه واكله
فيها ايه لما حياتهم كلاه تبوظ وتنتهى عشان خاطر عسكرى ضرب عليه النار من مسافه قريبه جدا وبالظبط نشن على دماغه
لدرجه انه مخ الشاب ده اتبعثر على الارض جنب جثته
واستمرارا لمسلسل الاستنزاف والاستغلال البشع اللى بيحصل للمصرين -الغلابا بس - حتى بعد الوفاه خدوا الجثه عل المستشفى وهو كان خلاص مات وطلبوا دم من اهله عشان هو محتاج دم ...اخوه بيقول15 واحد اتبرعوا بالدم وفى الاخر عرفوا انه كان متوفى اصلا
رأى سياده للوا انه ده يستاهل اللى حصله ..حد قاله يمشى معاهم ولا يروح يحضر مظاهره
فيها ايه لما مش يلاقى رغيف العيش فيها ايه لما هو لحد دلوقتى مش عارف يتجوز ولا يكون اسره فيها ايه انه اصلا مش عارف ولا قادر يحقق اى حلم حلم فى يوم بيه

اما بقى بالنسبه للشاب التانى اللى اصلا كان واقف فى البلكونه واللى رصاصه عسكرى امن الدوله اصابته هو كمان فى راسه
فهو برده يستاهل اللى يحصله لانه مش عارف يقف فين وامتى ...ايه اللى يوقفه فى بلكونه بيتهم فى الوقت ده
هو اللى غلطان ويستاهل اكتر من كده
يعنى هو لو مكنش توفى دلوقتى مش بعيد سيداه اللوا كان طالب باعدامه فى ميدان عام حتى يكون عبره لمن لا يعتبر
ولما استاذ وائل بيقوله حضرتك بتتكلم عن ولد عمره 15 سنه وبتقوله يقف امتى وفين وبتحمله المسؤليه كمان
قاله ابوه وامه كانوا فين ...
رد ابوه وقاله كان واقف فى البلكونه فى بيتنا يعنى منزلتوش الشارع ...وانتو محدش قال انه فى ضرب نار
محدش قال انه فى ضرب نار
وتانى حضره اللوا يقول وفيها ايه لما دول يموتوا احنا كنا فى حاله اضراب وشغب عام وهتعمل اتقلاب فى نظام الحكم
ساله تانى وائل التقراشى يعنى حضرتك لو ابنك هو اللى كان فى البلكونه وحصله كده هتقول وايه يعنى
رد وقاله فى ستين داهيه ...ادام هو مش عارف يقف فين وامتى يبقى فى ستين داهيه...
المهم موقف كمان ظهر من كلام حضرته لما اهل المتوفى بيقولوا شهيد
قام طالع فيهم وقالهم شهيد ايه على اعتبار انهم مش يستاهلوا اللقلب ده.دول مخربين وشويه بلطجيه
وانهم مش يستاهلوا تعويض من الحكومه....وكمان رئيس الوزرا غلط جدا انه نزل المحله وادى اللعمال فى المصانع هناك مكافاه
هو مش عارف المكافاه دى ليه والتعويض ده ليه.....احنا كده بنشجعهم على الفساد

افتكرت اثناء حديثه احمد زكى فى فيلم زوجه رجل مهم
وفضلت اقول منك لله وحسبى الله ونعم الوكيل فيك ..واكيد ربنا هيوريك يوم شكل ده عشان ربنا مابينساش حد ويجيب دعوه المظلوم
وان الله يمهل ولا يهمل

بسم الله نبدأ

الحمد لله كما ينبغى لجلال وجهك وعظيم سلطانك

بدايه وبكل صراحه انا مش عارفه ليه عملت المدونه دى

يمكن لانى كتير بحب اتكلم مع حد مش يعرفنى شخصيا او بطريقه مباشره

لانى من نوع البشر اللى بيرتاح لما يطلع اللى جواه بالكتابه

ولانى اكيد اكيد هستفاد من موضوع التدوين ان شاء الله

رجائى من ربى ان يوفقنى فى حياتى ونعرف نوصل سوا لمواضيع مفيده لينا

المهم الاستمراريه فى الموضوع واهى تبقى محاوله مثل باقى حياتنا واللى عباره عن مجموعه من المحاولات والتجارب....نسأل الله التوفيق والثبات

دمتم بخير.....